環境一般, 有啲舊, 天勝坐起嚟舒服好多, 但呢度嘅waitress 友善啲.
同香港所有日本人開嘅居酒屋一樣, 價錢不算便宜, 同樣價錢, 可以食到餐不錯嘅魚生餐, 但有時想飲酒, 呢啲小食就比較適合
食物中上, 同天勝, hoka hoka, 和居和居 差不多, 但地方, 我會揀天勝囉
ps. 中文餐牌得小食, 大牌全日文, 唔識日文嘅朋友, 做啲功課先好去喎!
上樓舖, 日本人主理, 所有侍女都會講日文嘅
中文餐牌得呢個, 全部係小食(仲要側面有紅點嘅先有得供應), 大牌全日文
吞拿魚胃, 又可能係安康魚胃, 我近嚟致愛, 餸酒真係一流過一流, 比螢光魷魚尤勝!
一坐低, 第一件事, 劈! 呢支 $120, 我隊jor4碌
螢光魷魚
另一我致愛, 麫豉大腸, 唔係度度有, 有又可能做得唔好, 會"壓", 但呢個好味, 我連麫豉汁都飲晒!
三文幾肥美, 肥得嚟有三文魚嘅味, 唔錯. 秋刀魚亦係啱時候食
魚味濃但唔腥, 好新鮮, 魚嘅油份亦足, 好香口, 但仍未到至正嘅地步
啤酒蘿蔔, 冇乜啤酒味, 同埋蘿蔔嘅辛辣味未去, 醃得未夠時間
好多一份份嘅下酒菜放喺bar頭
如非必要, 唔好坐bar頭, 冷氣相當唔夠, 後未我要轉枱, 轉後舒服晒!!!
好似叫hokahoka一夜干, 味濃似黃花
因為條魚經一夜嘅風乾令味道更濃更凸出, 所以叫一夜干 (i think
)
三文魚皮燒得唔錯, 好夠脆, 如果裡邊烟韌啲仲好
轉枱後舒服晒!!! 眼見好多一斑一斑嘅女子食嘢吹水, 吹得不亦樂乎
雞波, 好夠味, 又juicy, 蛋黃係我自己request嘅
脆口嘅雞皮
呢度嘅天婦羅啲脆漿唔多正宗, 但勝在夠脆口又唔過火, 又一度下酒好菜!
好飽, 又好貓...
No comments:
Post a Comment