唐心醉蛋, 幾好味, 食味似醉雞, 蛋本身可能因為"醉"過, 所以蛋白比較挺身
咁就真係唐心, 蛋味亦濃, 但$12隻, 你估你鏞記咩?
牛腩撈粗,
噩夢嘅開始...........
啲牛腩係五香, 惜味道唔夠濃, 相當單薄, 似豉油糖水蚊, 切得極細亦蚊得極爛, 但好韌, 唔好味, 擺明唔識火路. 但係已係呢碗麫最可吃嘅一環!
麫, 以為會係闊生麫, 原來係類似北方麫條但係好闊嘅, 不但冇咬口, 唔彈牙, 冇texture, 食落只係覺得咬開一塊灼熟嘅粉...
豉油好淡亦掛唔倒喺麫條上, 食落好寡, 完全唔討好, 去人哋啲出名撈粗食吓先啦!
個阿姐仲係咁叫我加啲湯落碗麫度食, 話啲湯先係精髓, 大佬, 唔識米亂作, 累死人, 淡上加淡...
唯有加那個所謂招牌沙嗲醬, 吊, 原來不過係加jor好多糖嘅沙嗲醬, 食到有啲打冷震
講番碗湯, 咩魚豬雞牛嘅鮮味都食唔倒, 豬骨湯? 份量係咪一比99先? 我試兩匙都唔信自己, 因為咁多人讚, 再試多兩匙, 算! 倒jor佢!
豬手撈粗, 豬手未入味又味稔, 一啲都唔起膠, 係咪玩白雲豬腳仔先?!
我食剩嘅, 當時好肚餓夾粗食, 都凈番咁多
埋單走人.
仲有, 阿姐相當串咀.
點解, 點解又係我呀.............
No comments:
Post a Comment