可能係世界上最難食嘅海南雞飯 the worst hainan chicken rice ever

地方相當逼夾, 係手爭撞手爭
看看餐牌, 乜泰河粉可以椰子雞湯底, 心感不妙, 咁叫海南雞飯應該唔會點衰啦啩...

先來湯, 係冬瓜雞湯, 但好淡, 冇乜點咁啦.. 跟手就出事...

雞, ,千年雪雞, 一啲雞味都冇, 唔知自己食緊乜, 皮, 冇質感, 肉, 你可以話係稔, 但實際上係相當之霉嘅, 好似開始腐化嗰種感覺.... 我未試過食雞好似食紙咁...

飯, 呢個唔係雞油飯, 係椰油飯, 如果唔係配雞, 實以為自己食緊印度嘢, 陣椰油味十級難頂, 落多多辣汁都掩蓋唔倒佢陣蘇味, 有啲諗起臭狐...

咁大個仔, 咁難食嘅海陰雞飯, 真係第一次...

Location
鰂魚涌, 英皇道, 泰式茶餐廳


睇落唔錯

食落就..................

食到呢個地步, 頂唔順, 撇!