第尾牛扒 - 好味, 抵食, 茶記STYLE嘅好服務
抵Location: 旺角弼街西洋菜街
因有啲事要過海拿床褥(兩張), 又諗唔倒去邊食, 見未試過呢間, 又見佢做倒咁多年, 試吓囉.
開頭仲驚比人鬧我帶兩件咁大嘅貨入去, 點知佢哋竟然好好相語咁, 搵位幫我放好.
整體服務好茶記style, 但個個staff手腳快, 有耐性又好禮貌, 感覺相當良好.
食物方面我嘅西冷扒真係冇得complain. 冇乸到爛晒, 有肉味有咬口但又唔韌, 黑椒汁又夠嘢味濃烈, 比花園好上成倍, 食物溫度熱辣辣, 係辣口嗰隻, 仲有, 佢哋唔用"牛"鐵板, 改用一隻大啲嘅, 醒目! 咁就裝多好多汁, 又唔會流到周圍都係.
成間餐廳香氣不斷, 又不停聽到汁喺鐵板上嘅啫啫聲, 真係色香味佢全.
$65包餐包, 湯, 西冷扒, 餐飲同雪糕, 仲想點? 仲有, 我哋有老人家, 佢哋會好細心, 逗吓啲老人家, 有唔會催你, 就算出邊有十幾廿人排都比你慢慢坐. 感覺, 服務, 環境, 食物, 燈光, 衛生都勝喺正隔嚟嘅花園, 難怪可以收貴啲, 但係人又多啲
真係唔多明點解叫第尾
715pm已爆場要排隊
正常嘅忌廉湯
吉烈豬扒, 我阿婆至愛, 90歲老人家食到唔停口, 有兩大塊, 份量極足
粟米斑塊, 有三大塊
但係點解香港咁難揾倒白汁粟米嘅?
我嘅西冷, 正
食到停唔倒, 清碟
No comments:
Post a Comment